الخميس، 24 يوليو، 2008

عودة مرة اخري

معلش ياجماعة انا قررت اني احذف المدونة دي وهكون علي مدونة تانية وحسيت انها هتبقي افضل بكتير
وده العنوان بتاع المدونة


http://momoo2008.blogspot.com/
اشوفكوا هناك
خالص تحياتي
مومو

الثلاثاء، 8 يوليو، 2008

مجرد انسانة


قبل اي شيء وقبل ما اكتب اي موضوعات لازم اعرفكوا بنفسي
انا مجرد انسانة سكنة في مصر ام الدنيا في ادغال القاهرة"حي شعبي" ....عشت طفولة مش فكرة منها حاجة ومحبش اني افتكر لانها مش هتفرق كتير....ابلغ من العمر 17 سنة لسة مخلصة ثانوية عمية...والحمد لله اني طلعت سليمة ومفيش اي اصابات!!!
بالنسبة لية كشخصية
طبعا مش همدح في نفسي بس هقول الحقيقة انا شخصية رومانسية شويتين ..تلاتة...اربعه
حساسة شويتين...تلاتة ...اربعة جدا بصراحة
بحب احس باهتمام وحب الناس لي ولو محستش بده بتعب اووووي
كمستوي دراسي مش هقول متفوقة وبتاع بس متوسطة والحمد لله

بعشق حاجه اسمها علم نفس وبحب جدا اسمع للدكتور ابرهيم الفقي لانو كان سبب من الاسباب ان تفكيري يتغير
بحب الحرية جدا جدا وبكره اووووووي اووووي ان حد يجبرني علي حاجه تخصني
اكتر شيء بكرهه في حياتي الظلم...واني اشوف اب او ام بيضربوا ولادهم او حد بيضرب حد عامتا يعني
في حاجات كتير مش حلوة فية ..زي عدم الثقة في النفس اللي وضحه في صورة الخجل بس حاليا بسعي لتغيير نفسي للشكل اللي بحلم بيه طول حياتي ..عصبية شوية ...عنادية شوية بردو...من النوع اللي يسامح الناس فيما عدا اللي يستهزق بيه او يتريق عليا ساعتها بصراحه بيكون قلبي شايل منهم ومعبي اوووي

هدفي حاليا :اولا اقدر اتغيير,ثانيا ادخل كلية اداب علم نفس
واني القي صديقة بجد في الكلية
انا كده عرفت نفسي شوية وبتمني يارب ان المدونة دي تكون فتحه خير ومغيرهاش بأذن الله واني اعرف اكتب فيها كلام اللي حسه بيه واعبر عن رأيي من غير نفاق واتمني اتعرف بناس دمغها كده تكون حلوة بيكتبوا كلام يفيد

و تحياتي لكم جميعا